القائمة الرئيسية

الصفحات

أخر الأخبار

قرار عاجل من الرئيس السيسي بوقف الدعم عن هذه الفئة


كتبه_أحمدأبوالنجا_الاسماعيلية

أكد الرئيس "عبدالفتاح السيسي" إنه قرر ووجه الحكومة لقطع ووقف كل اشكال الدعم الذي تقدمه الحكومة لأي "متعدي" على أراضي الدولة الزراعية أو الترع أو المصارف.

أضاف"السيسي" في افتتاح محطة معالجة مياه بحر البقر: "إحنا كدولة بنحاول نسابق الزمن لتطوير واستعادة كفاءة منشآتنا بالكامل زي ما شوفتوا الترع وحالها كان بيأثر على حال الناس ومتقدرش تستفيد بالمية الدولة بتقوم بدور، والمواطن عليه دور.

أكمل "السيسي": لو انتوا النهاردة كحكومة لو راجعتوا الإجراءات اللي اتعملت في الـ 7 سنين، هتلاقوا إن التخطيط كان لغاية 2052 وقطعنا خطوات كبيرة عشان كنا متأخرين بعض المواطنين تعدوا على منشآت الحكومة لما تتكلم إن فرع رشيد بيعدي 30 مليون متر مكعب من المية بعد ما كانوا 80 مليون مش هنقبل كحكومة بده كل التعدي بتاعة المنشآت والحكومة وزارة الداخلية والقوات المسلحة آخد تمام عشان نشيل إحنا مش هنتحايل على حد بعد 6 شهور أخد تمام كل التعديات تتشال وأخد تمام خلال 6 شهور زي ما أنا بعمل تطبين للترع وإجراءات فوق الخيال اللي بيتعمل في مصر فوق الخيال مش هقبل بالتعدي عايز تغتصب أرض الدولة وأسكت ده كلام مش مقبول دلوقتي كان زمان مقبول حد يقولك انت زعلان لأ أنا خايف عليكم ليه بنعمل كده في نفسنا معلش يا دكتور"محمد" - يقصد وزير الري الدكتور"محمدعبدالعاطي" ومحدش يزعل مني انتوا كنتوا بتعملوا إيه لا لا 6 شهور وألاقي الجسور متظبطة زي الكتاب ما بيقول وتتحط المعدات وترجع زي ما كانت لو محتاج تنزل القوات يا محمد نزل يقصد وزير الدفاع الفريق "محمد زكي"سواء تعدي على الأراضي الزراعية أو غيره وبالمناسبة وقف كل الدعم لأي حد متعدي على الأراضي الزراعية أو الترع والمصارف.

أكمل: زي ما إحنا حاطين 700 مليار جنيه عشان نحسن ونسعد حياة الناس 6 شهور يا دكتور "مصطفى" يقصد رئيس الوزراء".
هل اعجبك الموضوع :

تعليقات