القائمة الرئيسية

الصفحات

أخر الأخبار

عمر آدم في حوار حصري مع "سهير" الفنانة الصاعدة التي تخطت ١٠٠ مليون مشاهدة علي منصة سوشيال ميديا و أذهلت جميع متابعيها .

في البداية عرفينا بنفسك ؟؟

:  أنا سهير أحمد ، عندي 16 سنة ، بحب الفن عموماً من و أن صغيرة و بدأت أمثل و أعمل فيديوهات من و أنا عندي 3 سنين و بحب الرسم و الرقص و الغناء ، بدأت أمثل في مسرح المدرسة ، بعد كدة بدأت أنزل موديل لبراندات ملابس و هكذا .

كلمينا أكتر عن هواياتك ؟؟

: بحب الرياضة جداَ و لعبت رياضة " الكارتية ، الجمباز " ، و بحب التمثيل و التصوير و الفاشون و الموضة و الرسم ، بحب أروح دار الأيتام و دار المسنين .  



إي سبب دخولك مجال السوشيال ميديا ؟؟

: بعد مسرحية " علاء الدين " الي شاركت فيها ؛ بدأت الناس تطلبني في تصوير سيشنات ، فا عملت أكونت إنستجرام و بدأت أنزل صوري و بدأت أهتم أكتر بالسوشيال ميديا  .




هل نوع الفيديوهات الي بتقدميها بيكون حقيقي ولا بيبقي زي إسكتش كوميدي تمثيلي ؟؟

: لا خالص ، كل فيديوهاتي علي السوشيال ميديا بيكون بنسبة 90 % أفكار تمثيلية أو إسكتشات كوميدية و باقي فيديوهاتي بتكون حقيقة و بتكلم عن قصة حقيقة و كدة .


كلمينا أكتر عن حصول فيديوهات علي 100 مليون مشاهدة علي التيك توك ؟؟

: أنا في خلال 7 شهور علي برنامج " تيك توك " إني وصلت " 100 "  مليون مشاهدة و من خلال ده حابه أقول إن الشخص الي عنده موهبة و بيسعي و بينميها و بيشتغل علي نفسه هيوصل و يحقق ده بدون ما يعمل إسفاف أو حاجة مش كويسة .

 

كلمينا أكتر عن بدايتك في عالم التصوير و الموديلينج و الفاشون ؟؟

: نزلت في عروض الأزياء في برنامج الإعلامية " رضوي الشربيني "  و كنت مبسوطة جداً بالتجربة ، و بدأت بعدها أنزل بقا سيشنات تصوير و هكذا .



نفسك توصلي لإيه ؟؟

: نفسي أوصل إني أكون ممثلة و ليا رسالة بقدمها و أسيب بصمة تأُر في الناس من خلال الي بعمله و بقدمه من خلال مجال التمثيل و التصوير و الفن عموماً .

إي ردود أفعال أهلك و الي حواليكي علي فيديوهاتك ؟؟

: فخورين جداً بالي بحققه و بنجاح فيديوهاتي و اني ديماً بحاول أقدم أفضل ما عندي و كل ده بفضل و كرم وتوفيق ربنا سبحانه و تعالي .



بتتعاملي إزاي مع الإنتقادات السلبية الي بتجيلك بشكل هجومي أو عنف أو شتيمة ؟؟

: بتجاهل ديماً أي إنتقادات سلبية أو ردود بطريقة مش لطيفة ، و أغلب الناس الي بتشتم أو بتنتقد بطريقة مش كويسة بيكونو عايزين يطلعو تريند و يتشهرو و يتعرفو بس كدة .   



ناوية تعملي إي الفتره الجيه ؟؟

: ناوية أقدم فيديوهات بطريقة كرييتف جداً و بأفكار كوميدية و إسكتشات تعجبكم ، و ناوية أعمل سيشنات تصوير أكتر ، ناوية برضو أنفذ أكتر من فكرة عمل خيرية و إنشاء الله هشاركها مع المتابعين بتوعي علشان أحفذهم يعملو زيي و يحبو عمل الخير و مساعدة الناس . 





هل اعجبك الموضوع :

تعليقات