القائمة الرئيسية

الصفحات

أخر الأخبار


--------------------
شعر.. هدى عبدالله
الإسماعيلية
 - - - - - - - 
صباح الخير على الغايبين
ف يوم العيد عن الصحبة
صباح له حنين على الغاليين ف الغربة
صباح الصبر يتعلم على ايديهم
إيمان بالله على محبة
صباح العزم لما يهم
ويسعى في مناكبها
صباح موصول يدوم ويطول
ينادي بشوق لاحبابنا
يا بنتي ياللي روحتي بعيد
وشقيتي الطريق وحدك
بكيتي بصمت وبشدة
مسحتي دمعتك وحدك
وقمتي بهمة وعافرتي 
وطبطبتي على ولدك
وعلقتي على وش الشقا ضحكة
عشان ماتشوفها كل الناس
يقولوا عليكي يا سعدك
فمين ادك ومين زيك ف اخلاصك 
ومين له حق يفرح بيكي غير ناسك
الله معاكي مش وحدك
صحيح جايز بتشتاقي للمتنا ف وقت الصبح على لقمة
صحيح أوقات بنرسمكم على حطان الحنين بسمة 
وجايز تختلي بنفسك 
وتفتكري تفاصيل الحياة بنا 
ف نفس الوقت نفتكرك 
ونتفرج على صورك
ونحكي ع اللي كان بنا 
جميلة انتي
يا روح الروح يا بنتي
جميلة ف كل تفاصيلك
كبرتي بسرعة شبيتي
وروحتي بعيد وغربتي
حبيبتي قطة تتمسح على حجري
بقت ف الغربة شدة عودها وبتجري
تقف وقفة كما الأشجار
ف وش الريح كده صامدة
ماخافشي عليها م الأشرار
إيمانها بربها اقوى
نجحتي برغم سنك ده
تملي قوية ومعاندة 
فخورة صحيح أنا بيكي
و رغم الغربة والقسوة
جدعة قوية ومثابرة
على محن الزمن صابرة
وخليكي كمان فاكزة 
 بإن المولى بشرنا 
ف عز الأزمة بنلاقي 
يصاحب عسرنا يسرا
يصاحب عسرنا يسرا
هل اعجبك الموضوع :

تعليقات