القائمة الرئيسية

الصفحات

أخر الأخبار

 
شعر - كريمة محمد
الإسماعيلية 

وجاى الغروب بيحبى
ويكسى الشجر توب
غامق
بيسكت صوت العصافير
والكل 
ف الخوف بيستخبى 
وبيسابق
تبان العيدان أشباح
وبعض االبيوت 
 تبان أمنا الغولى
 من فرط حواديتها
الناس بيها مشغولة
شكلها بين الخلايق لاح
ووسط السكون 
حبيت الركن الهادى 
الطالل على بكره
بينادى ع الشمس 
 متتأخرش وتمحى 
فكره!!!!!!!
 أنها متجيش
والقمر أعلن حضوره
كسر زوايه العتمامه
فرد جناحة ع الطريق
 خفف وجوده من
رخامه!!!!
  المشهد والكل 
بيشهد أن القمر صديق 
الغلابه والشعرا
وأهل المغنى
واللى جاب دغنا 
وداغ داغنا
     طولت البعاد
 بعدنا بروحنا
عن مطارحنا
عن ناس كانت لينا
ف المحنه حضن 
وسكن وعتاد
كانوا مناديل 
تمسح وتشيل الدمعة
كانوا الشمعة
  والمداد
 وكانوا النيل
و اللى بينا ف الخصام بقى ميل
 وازاى نعيد الزمن الجميل
    مش شرط أكلنا 
على كانون
ولا حتى شاى ع الولعه
 ولا فلاحة ماشيه
براحة ع الترعة
ولا نخله نزله تشرب
من ميه المحياه
مناجاه نتمنى نعود 
نكسر للبعد قيود
وتتشبك أيدينا
ونخطى المحن
نرمى الفتن ورا ضهرنا
ونسود
جوانا الوطن بيجود
هو اللمه والضمه
والكلمه والموال
جوانا نفس السؤال!!!!!
امتى نرجع تتحنى الكفوف بالعيد
ونسد باب الحزن والكل يبقى سعيد
امتى نرجع زى زمان؟
قول للزمان ارجع يا زمان!!!!!!!!
هل اعجبك الموضوع :

تعليقات