القائمة الرئيسية

الصفحات

أخر الأخبار

عمر آدم يحاور الفاشون بلوجر الصاعدة " حبيبة العمري " التي تميزت في تقديم محتوي للعناية " بالبشرة و الشعر " و إبتكار إستايلات جديدة للملابس


مين هيا حبيبة ؟

: أنا حبيبة العمري ، عندي 21 سنة ، بدرس في كلية تجارة إنجلش ، عندي أخوات ، بحب الفاشون و التصوير و الميكب . 

كلمينا اكتر عن دخولك مجال السوشيال ميديا ؟

: في سنة 2017 م كان عندي 11 ألف فولورز علي الإنستجرام و أنا ساعتها كنت بنزل صور عادي ليا و قفلت السوشيال ميديا كلها لما كنت ثانوية عامة ؛  رجعت تاني في بداية 2020 م بدأت أهتم بقا بالسوشيال ميديا و كان أول فيديو ليا لإستايل لبس شتوي و بدأت أعمل فيديوهات عن العناية بالبشرة و الشعر و نزلته تيك توك و جاب مليون مشاهدة ؛ فا بدأت برضو أقدم المحتوي بتاعي علي تيك توك ؛ و الحمد لله دلوقتي وصلت 170 ألف فولورزعلي تيك توك و 25 ألف إنستجرام و مبسوطة جداً بالي بوصله و ديماً هفضل أسعي و أجتهد و أحقق الي نفسي فيه . 



نفسك توصلي لإيه ؟

: نفسي أكون فاشون ديزاينر فا علشان كدة بحب الفاشون و الميكب و الإستايلات الجديدة و الكرييتف و ديماً بحب أبتكر حاجات جديدة و أهتم أكتر إني أقدم فيديوهات عن العناية بالبشرة و الشعر و بإذن الله أول ما أخلص دراستي هبدأ أول خطوة في تحقيق ده و دلوقتي بهتم بالسوشيال ميديا بحيث يكون إسمي معروف و ليا ناس بتاع المحتوي بتاعي و بتستني تشوف كل جديد هقدمه . 

كلمينا أكتر عن حبك للتصوير و الموديلينج ؟

: أنا بحب التصوير من و أنا صغيرة ، فا بدأت أهتم بالتصوير أكتر و تنسيق اللبس و الألوان و أجدد في أي لبس قديم عندي و أعمله بطريقة جديدة و أستخدمه .



إي الفكرة الأساسية الي حابه توصليها للبنات من خلال المحتوي الي بتقدميه ؟

: أنا عايزة أغير فكرة البنات عن إن لازم نلبس لبس غالي جداً و يكون براند علشان يكون شيك لا خالص علي فكرة ؛ إحنا ممكن نلبس لبس شيك و هادي و جميل ويكون برضو سعره مناسب و ممكن كمان نعمل إستايلات جديدة من خلال لبس قديم عندنا و هكذا ، و بالنسبة لفيديوهات العناية بالبشرة و الشعر حابه أخلي كل بنت تهتم بشعرها و بشرتها من خلال وصفات طبيعية و فعالة و كمان سعرها مناسب و ممكن تكون كمان طبية في بعض الأوقات .



مين أكتر حد تحبي تشكريه ؟

: طبعاً ولدتي لأنها ديماً واقفة جنبي و بتشجعني و ديماً معايا في أي حاجة بعملها أو بقدمها و بأخد رأيها في كل حاجة ، و حابه كمان أشكر صاحبتي هانيا لأنها ديما بتشجعني و كمان هيا الي صورت أول فيديو نزلته علي اليوتيوب .


هل شايفة إن السوشيال ميديا مش بتدي حق غير للإسفاف و الهلس ؟

بالعكس لا طبعاً في ناس بتقدم محتوي مهم جداً في مجالات كتير و مشهورين و في ناس بتحبهم و بتاعبهم بس الفكرة في الناس الي بتابع الهلس و بتشهره وبتديله حجم أكبر مش حجمه و هكذا .




ناوية تعملي إي الفترة الجيه ؟

: ناوية أطور أكتر في الفيديوهات الي بقدمها و أبتكر إستايلات جديدة للملابس و أشتغل علي نفسي أكتر في المحتوي الي بقدمه .


هل اعجبك الموضوع :

تعليقات