القائمة الرئيسية

الصفحات

أخر الأخبار



شعر /إيمان حسين
 
إياك لسه فاكرني.... هسامح
وأنسي الماضي كأنه إمبارح
إزاي أسامح...... قلبك جارح
أنسي غيابك وأنا بشتاقلك
ولّا بُعادك وقت حنيني
ولّا عنادك .....وأنا بندهلك
وإنت قصادي بس ناسيني
ولّا عيونك.... لمّا بشوفك
نظرتها .....كانت تجافيني
ولّا عتابك وقت خصامك
بيطيّر نومي..... من عيني
ولّا عيون غرقانه دموع
وإنت بتعند ..ولا بتجيني
ولّا سكاتك وأنا بتكلم
وتسبني لوحدي أتألم
أنسي إزاي وإنت اللي بايعني
أنسي إزاي.. والجرح واجعني
بس خلاص أنا قلبي إتعلم
بعد سنين عاشها ...بيتألم
يمكن يجي يوم و أقدر أنسي
لكن أبداً مش راح أسامح
جرحك لسه بقلبي سارح....
هل اعجبك الموضوع :

تعليقات