القائمة الرئيسية

الصفحات

أخر الأخبار

لحظة من فضلك.. معلومات تهمك


كتبت/سحر شبراوي 
الإسماعيلية 

-الثلاجه جنب البوتاجاز غلط.🚫 
-التكييف تحته شاشه غلط.🚫
-توصيل اكثر من جهاز بيسحب امبير عالى في مشترك واحد غلط.🚫
-فونية البوتاجاز تسليكها بحرص🚫
-موتور المياه لازم تشغله حتي ولو دقيقه كل يومين حتي لو مش محتاجه🚫
-ولو مسافر ورجعت بالسلامه فك وش التهويه ولف المروحه بايدك وبعدين شغلو 🚫
-الراوسب اللي في المياه بتسبب قفش للاولسيل ولو شغلتو وسبتو علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق. 🚫
-التلاجه ماينفعش تتركن لفترات طويله.🚫
-الديب فريزر والتلاجه متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر .🚫
-سخان المياه الكهربا لو لاحظت انك فتحت البارد لقيت مياه دافيه افصلو فورا وهات فني يغير شيك بلف قبل ما تحصل كارثه والهيتر يضرب داخل الحله وتتكهرب.🚫
-الغساله اثناء الشغل فجأه لقيتها ب "ترقص حافية القدمين" ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبه.بدل ماتدخل نفسك في قصة موتور وكارته.🚫
-كاتيل الشاي املي مياه علي قدر حاجتك  علشان توفر في الاستهلاك 🚫
-لو مسافر فترة طويلة هات كباية مية خليها تتجمد وحط فوقها عملة معدنية وخليها في الفريزر ولو رجعت لقيت العملة تحت معني كده إن الكهرباء فصلت والأكل الي في الثلاجة احتمال كبير يكون باظ🚫
-لو فيه اي جهاز لقيته بيكهرب بلاش نعمل ناصح وتسمع كلام حد يقولك اقلب الفيشة .. وهات الضمان او فني كهرباء يكشف عليها🚫
-بلاش تستخدم السخان وهو متوصل بالكهرباء🚫 
-لو لقيت اي تسريب من السخان افصل الكهرباء عنه فورا وهات الضمان او فني يكشف عليه🚫
-لو بتفكر تجيب تكييف أو ثلاجة أو فريزر أو اي جهاز  الافضل تجيب انفرتر هيوفر في الاستهلاك بس اسال علي اي ماركة قبل ما تجيبها من حيث الجودة وخدمة ما بعد البيع والضمان وقطع الغيار 🚫
-اي جهاز متوصل بالكهرباء بيسحب كهرباء علي حسب هيشتغل كام ساعة في اليوم .. علشان محدش يفتكر أن التكييف والسخان هم بس الي بيسحبوا🚫
-اللي عنده تكييف ومحتاج يوفر ممكن يظبط الحرارة علي درجة حرارة ٢٦ أو الوضع الاقتصادي echo mode أو sleep بالإضافة إلي تنضيف فلاتر الوحدة الداخلية باستمرار والوحدة الخارجية كل فترة
هل اعجبك الموضوع :

تعليقات