القائمة الرئيسية

الصفحات

أخر الأخبار


شعر/هاله الشرقاوى
الإسماعيليه

هي السنين مكمله 
وهي نفس الأسئله
بتعد فينا ونتحسب
زي الورق جوه الكتب
والحبر طابع ليه علامه
بتتنسب
 جوه الورق ومكملين
جايز بنهرب من الحنين
جوه السنين جوه الورق
جايز نعافر مابين
حروف وبين حروف
جايز نسافر جوه الورق
ويمكن نشوف
نفس الكلام هو....هو والحروف
وكمان سنين جايبه سنين
 بتتكشف 
جوه الورق
وأنا المسافر جوه مني
في الورق
وغصب عني لاقتني 
تايه في الورق
ولقيت حياتي بتتحسب
جوه الورق
هل اعجبك الموضوع :

تعليقات