القائمة الرئيسية

الصفحات

أخر الأخبار

رسالة العالم فاروق الباز لطلاب الثانوية وعائلاتهم "الزعلانين من النتيجة



متابعة : سحر الشبراوي 

وجه مدير مركز أبحاث الفضاء بجامعة بوسطن الامريكيه الدكتور فاروق رسالة إلى شباب مصر بعد إعلان نتائج الثانوية العامة يا شباب مصر، مفيش أى لازمة للزعل من نتائج الثانوية العامة، بقول لأهالى الطلاب متزعلوش ولادكم، لأن نتيجة الثانوية مش أخر المطاف، أنا كنت عايز أخش كلية الطب، ومجموعى مدخلنيش كلية الطب، فدخلت كلية العلوم واللى وصلت له كان من حظى وشغلى".

أضاف العالم المصرى: "لما الواحد يلاقى نفسه موصلش للى عايزه، يشوف هيقدر يوصل لحد فين ويفتح السكة، وافتح عيني وافتح قلبى وأذاكر كويس جداً في الكلية اللى أنا فيها، وأعمل حياتى حاجة تكون جميلة جدا معناها أن الخطوة دى مش هي الوحيدة في الحياة، إنما الخطوات المستقبلية هي التي تحكم عليك."

تابع: "أنت كنت عايز تعمل حاجة ومعرفتش.. هتعمل أية بعد كدة، هتعيط وتنام وتخيب ولا هتقول خلاص حظى كدة، وأشوف اللى قدامى وهمشى فيه وهدرس فيه وهابقى كويس جدا.. وهعمل حاجة مشرفة وهورى الناس اللى مدخلتنيش الكلية اللى عاوزها هوريهم أنا هعمل أية.. أوعى حد يقول أن النتيجة أخر المطاف أبداً دى هي البداية.. البداية مهمة جدا عشان تشوف أنت أو أنتى عايزين توصلوا لفين.. خلى بالك الوصول في أيدك أنت هتعمل أية علشان توصل لأحسن ما يمكن أن تفعله في الظروف اللى أنت موجود فيها".

اختتم العالم المصرى الكبير رسالته: "أي حد مجبش النتيجة اللى كان عايزها هي دى اللى جات في أيدك، هتعمل إية.. هتنام وتنخ وتعيط وتقول والنبى إلحقونى ولا هتقوم تقف وتلبس كويس وتنزل وتمشى في الطريق اللى يوصلك للى أنت عايزه وتخلى أهلك يحترموك وصحابك يحبوك .. يلا يا شباب مصر أنتم قادرين على كدة.. أنا عملتها فأنتم تقدروا تعملوها".
هل اعجبك الموضوع :

تعليقات