القائمة الرئيسية

الصفحات

أخر الأخبار

الممثلة الصاعدة " مريم " شبيه الفنانة " مي عز الدين " تبدع في تقديم محتوي كوميدي علي السوشيال ميديا و يحصد ملايين المشاهدات و المتابعين .

حوار و إعداد : عمر آدم .


مين هيا مريم ؟؟

: إسمي مريم محمود و الشهرة " ماري علي " ، من محافظة الإسكندرية ، عندي 19 سنة ، عشت و درست في دولة " الإمارات " ، من زمان و أنا صغيرة و الدي ووالدتي إكتشفو إني بحب التمثيل فبدأو ينمو فيا موهبة التمثيل و يشجعوني .

: إمتي قررتي تدخلي مجال السوشيال ميديا ؟؟

: أنا الأول كنت بمثل في مسلسلات في دولة " الإمارات "  و دولة " السعودية " ، بدأت أتواجد علي السوشيال ميديا من حوالي 4 سنين و لكن بدأت أهتم أكتر بالسوشيال ميديا وأكون ديماً بعرض شغلي علي السوشيال ميديا من سنة بالظبط .


: كلمينا عن بدايتك في السوشيال ميديا ؟؟ 

: أنا زي ما قولتك بدأت في سوشيال ميديا من حوالي 4 سنين ، من سنتين مثلا بدأت أعمل فيديوهات كوميدية و إسكتشات أنا و صديق ليا إسمه " يوسف القط " هو برضو بيعمل فيديوهات علي السوشيال ميديا و كدة بدأنا بقا نعمل فيديوهات بطريقة كوميدية و كيرييتف ، و إسكتشات ؛ بعد كدة كنت ثانوية عامة فا وقفت شوية و هو كمل وبعدين رجعنا وكملنا فيديوهات تاني ، حابه أٌول إن     " يوسف القط " شخص شاطر جداً و بيحب شغله جداً و متميز في الي بيقدمه ، فيديوهاتنا بدأت تجيب نسب مشاهدات عالية و الناس حبت الي بنقدمه و بقينا ديماً بندور علي أفكار جديدة و إي الي يعجب الناس أكتر و كدة .


: هل دراستك ليها علاقة بالسوشيال ميديا ؟؟

: أنا بدرس في أكاديمية " الشارقة " في الإمارات ؛ الأكاديمية ليها علاقة بالمسرح و الموسيقي و الفن ، فا الأكاديمية و دراستي ديماً بتشجعني أكمل في السوشيال ميديا و أتميز و أنجح فيها .


: كلمينا عن دخولك مجال " التمثيل " برا مصر ؟؟ 

: أنا بدأت في مجال التمثيل في عام 2014 م ، أول حاجة قدمتها كان مشهدين في مسلسل بعد كدة ؛ بدأ يجيلي أدوار في مسلسلات و إعلانات و أخر عمل شاركت فيه كان مسلسل " بنات الملاكمة " كان بيتعرض علي قناة " Mbc " ، و كان موضوع إني أمثل برا مصر مش سهل لأنهم ديماً بيدورو علي الناس الي لهجتهم خليجي أكتر بس إشتغلت علي نفسي و الحمد لله قدرت أقدم دور و شخصية كويسة و مميزة و أنا الحمد لله بعرف أتكلم باللهجه " المصرية ، السعودية ، الإمارتية ، العراقية ، السورية ، الإردنية " و ده بسبب إني كنت بدرس في مدرسة في الإمارات فا كان معايا ناس من جميع البلاد فا تعلمت منهم اللهجه .

: إي السبب الي خلاكي تقدمي الفيديوهات و الإسكتشات الكوميدية ؟؟ 

: لأن أنا بحب الكوميديا و الضحك و الهزار و السبب الرئيسي إن الناس بتكون محتاجه تضحك و تفرفش بعد يوم طويل من التعب و الشغل و المشاكل فا حبيت أقدم النوع ده يمكن أكون سبب في ضحكة حد . 

: تحبي تشكري مين كان واقف جنبك و ديماً بيدعمك ؟؟

:  أكتر ناس حابه أشكرهم هما والدي و والدتي و أخواتي لأنهم ديماً بيدعموني و يشجعوني ، و بشكر جداً جداً " يوسف القط " لأني ديماً بعتبره أخ و صديق و ساعدني كتير جداً في السوشيال ميديا فبشكره جداً .

: إي موضوع إنك شبه الفنانة " مي عز الدين " ؟؟ 

: و الله جت فترة كل ما أنزل صورة من سيشن أو أي صورة لقيت الناس بتكتب كومنتات وبيقولو إني شبه الفنانة " مي عز الدين " فبدأت أركز لقيت إني شبها في كذا حاجة ، و نفسي يجمعنا مسلسل أو فيديو علي السوشيال ميديا مع بعض . 









  


: هل شايفة إ
ن السوشيال ميديا مش بتدي الناس حقهم غير الي بيقدمو إسفاف و كدة ؟؟

: رأي ؛ إن لا طبعاً لأن في ناس كتير بتقدم محتوي كوميدي أو فيه رسالة و الناس بتحبهم و بتابعهم ، هو بس الفكرة إن في وقت الحاجات الي هيا بيكون فيها إسفاف أو مفهاش حدود و أدب بتطلع تريند بس فترة و بتعدي و الناس بتنساها .

: ناوية تعملي إي الفترة الجيه ؟؟ 

: هقدم بإذن الله الفترة الجيه عمل تلفزيوني في الإمارات ، و عمل هيتعرض علي Netflix " هبدأ تصويره أول ما أرجع الإمارات ، ناوية برضو أقدم محتوي علي اليوتيوب و يارب الي هقدمه يعجبكم .



هل اعجبك الموضوع :

تعليقات