القائمة الرئيسية

الصفحات

أخر الأخبار


شعر/ زينب محجوب

قبل ماكنتم تسيبوا
كنت ارقوا قلبى
اللى فارق يوم حبيبه
طعم الوداع 
لساه مكلبش فى الضلوع
سقط القناع
والدمعة سالت 
وانطفت كل الشموع
ياضحكه كدابه دارينى
وادبحينى ...
وبلاش يبان منك أسى
أحضنيهم بالقوى
واوعى لحظه تضعفى 
لحسن قلوبهم تتوجع
حسسيهم ان الأمان
هيعيش معاكى فى بُعدهم
وان انتِ اقوى من زمان
سهله الحياة من بَعدُهم
واقفلى كل البيبان
اوعى ضعفك يوم يبان
اتكلفتى ببرد الحيطان
ودفى دايما قلبهم
اصرخى من غير كلام 
واتحملى كل الآلام
وماتفكريش ...
ماتفكريش توقفى سير البعاد
انتِ عيشتى جوَّه وطن
وهما عيشتهم متمزقه
بين البلاد .
هل اعجبك الموضوع :

تعليقات