القائمة الرئيسية

الصفحات

أخر الأخبار

انا الطفل اللي مابيكبرش


شعر / محمد صبري
الإسماعيلية 

أنا الطفل إللي مابيكبرش
و أنا الغاوي.... إستغماية
أغيب وأرجع قوام... مقدرش
أطّول... تزعلي معايا
أراقبك من ورا الحيطة
تزمى شفايفك السكر
وجوايا الحنين يكبر
وأجرى عشان أقول أُمه
وأشوفك... لهفتى تهدى
و أسابقك.... رجلى مش راضية
أنا أكسب وإنت خسرانه.. 
تكلبش خطوتى في الأرض .. 
تعض سنانى متغاظة
تشدى دراعى وتقولى 
قفشتك... وإنتِ فرحانة.... 
وأمثل إنى متأثر
خِسرت وجسمى..... متكسر
وأنز دموعى وأتحّسر 
وفرحتى فيا مطوية
لإنك ساكنة جوايا
هل اعجبك الموضوع :

تعليقات