القائمة الرئيسية

الصفحات

أخر الأخبار


شعر / الشاعر.عبدالله الهادى الصقر 

كبيت على روحى مية
شبيت ويا البخار
حطيت على قلبى طوبة
إنهار فوقى الجدار 
بصيت جواىَّ باكى
ورسمت الصبر دار
وسكنت فى عضم ليلى 
باستنى فى النهار
ماعدش فية 
فى طموحى ولا فتفوته
الدنيا رفستنى 
وفاتت فوته
جربت 
الف حكاية مع حدوتة
طلعت امالى 
كلها ملتوتة
فرفرت من كدى 
وحيلى اتكسح
والفقر 
ماشى ف جتتى بيتفسح
فكرة اتمسّح  
فى شلة قديمة
طلعت عديمة 
وطفحها ع النوته
حزنى البعيد شرف 
وفرحى اتآخر
والهم نايم 
فى الحشىّ بيشخر
واتبخر الحلم 
اللى كان فى ايديه
ولقيته واقف 
فوق شواشى التوتة
هل اعجبك الموضوع :

تعليقات