القائمة الرئيسية

الصفحات

أخر الأخبار


_______
شعر/ ايمان حسين
-----------------
كل حزن نهايته فرحة
وأنا حزني  ليه بيعيش
وكل كسر و له دواه
وكسر قلبي مابينتهيش
أنا زي طفل بيصرخ م الوجع 
أو زي كهل من الألم بيتوجع 
مابقتش عارف
عمري خلاص بينتهي ولّا رجع
يمكن بلاقي ف وحدتي الراحه
قلبي خلاص إتعود ع الصراحه
لكن تعبت من الظروف
دايماً.. حاسس  بخوف 
مش كل قشة بتنجد الغرقان
وأنا غلبان
و يادوب بتعلق في قشة
لكنها غرقتني مانجتنيش 
و قالتلي موت.......مش هتعيش 
قلبي بيبكي وقلمي ماصدقنيش  
مش راضي يكتب آهات ماتنتهيش
إزاي هحاول أنسي أحزاني
وأنت اللي عمّال بتهد في كياني
إزاي أصونك وانت تخدعني
إزاي بقلب برئ عمّال تلوعني
إزاي بكل بساطه قادر كده تبيعني
أصعب معاني الجرح ف الوحده
لما يكون حواليك كل القلوب جاحده
وآديني مستني وصابر
عمّال أداري دموعي وبكابر
يمكن ألاقي قلب ينصفني
ومن جراحي وألمي يخطفني
وآديني مستني...
هل اعجبك الموضوع :

تعليقات