القائمة الرئيسية

الصفحات

أخر الأخبار


شعر/محمد رضوان/الإسماعيلية

وانت ماشى 
خد معاك الباب وشيشك
 خد حاجاتك ذكرياتك 
واوعى تنسى تحط ريشك 
فوق كتافك وانت ماشى
 بس اوعى تقولى اسف 
قول عليا كل حاجه لكل ناسك
 وانى عيشتك حياتك منى خايف 
 وانى شربتك مرار الكون فى كاسك 
وانى مشرع حب فاشل
 عشت تبنيه وانت عارف
ان اخرتها الفراق
 وان كان فيه اتفاق
 ان اخرتها فراق
روح يا شيخ وبلاش تعاود وكفايانا
روح يا شيخ الله يسامحك وبامانه
كل ما هتقول عليا هقول صحيح
هو ناسى كمان شويه من قساوتى
اصله نساى الاسيه ومش فصيح
اما انا عارفانى عنوانى غباوتى
ومن غبائى
 انى صممت انى اكمل 
مع حد ذيك
 وانت ذيك يبقى حد 
الادب والذوق وصوتك
 مالو حد
والسعاده الدايمه عندك
مالها حد
سيبك انت 
انت كسبان
 لما تبعد عنى وتسبنى بقاسوتى وبغاباوتى وبجحودى
انت كسبان 
انت كسبان منى ايه بطلة وجودى
روح يا عم كفايه هم 
دوبك ورماك فى حيره وبحر نار
قلبك ذى الفطيره ف فرن حار
سمع الحيطان صراخك 
واشتكالك كل جار
والحوار مبقاش حوار
روح هتفلت من بلايا
الحياه حلوه بلايا
واوعى تنسى تسيب معايا
 ذكرياتك
روح وخد وياك هناك 
وابداء حياتك
الف مبروك ع اللى ياخدك 
خد سعادته يا سعادته
بس بذياده وياسعدك
اما انا بعدك 
هعيش 
اما انا بعدك هعيش
بس وحيات غدرى بيك
وانت ماشى
 خد معاك الباب وشيش
وان ناديتك
 فى المنام ماتجينيش
هل اعجبك الموضوع :

تعليقات