القائمة الرئيسية

الصفحات

أخر الأخبار


شعر _كريمه محمد

 ملزم تبان قادر
ومش مكسور
ملزم تبان وسط 
الضلمه 
وتتعشم ف حضن النور
ملزم
تعيش عمرك بدون جناحات
وتبان طاير
ومش مقهور
يبان على وشك
الضحكة ترن تجلل
الاسماع
وانت اللى جواك  
سيل م الهم والأوجاع
 عايش متباع
وعنيك تظهر لغه وخداع
إنك سعيد فرحان
وجواك زحمه ووحدانى 
رغم الجموع 

ولأنك
من زاويه الرؤيه
 عمرك فى يوم ما خدعت
لكن عشت الخسه و الخداع

ملزم تكون فارد قلوعك
رغم خيانه البحر والموجه
رغم الشتا اللى ف جوفك
 ومساير الهوجه
ملزم تمشى 
كل السكك
ولو تكون عوجه
عشان تعلن لنفسك
إنك قوى
ومش مكسور
ومش ضعيف
وباصص للسما
رغم الخريف
جواااااك نضيف
 ماعرفتش الصدمه تغيرك
  ح تفضل رغم 
كل اللى محيرك
   ورغم جوعك
ومظهرك
ح تفضل عفيف
هل اعجبك الموضوع :

تعليقات