القائمة الرئيسية

الصفحات

أخر الأخبار

 
شعر - هدى عبدالله 
الإسماعيلية 

يارب وبنسألك
 وانت العليم قادر
ياما دارينا الألم 
وانت اللي بيه عالم
عشنا نراضي قلوب
 لأجلن تكون غافر
ونقوم ونتكعبل 
والحزن بيحمل
َوالحب بيدادي
 وعملنا ليه خاطر
كل المحبة اللي كانت 
على قرص طبلية
راحت عليها خلاص
 مطوية منسية
واللي انت حبتهم 
أحسنت فيهم ظن
نداهة ندهتهم
 أمرت بقطع الدم
ناديت بعلو الصوت
 و وصل لحد السما
شهدت رب السما
 وهو اللي بي اعلم
مديت ايدين الوداد 
بالكبر قطعوها
و سامحت لأجل الله 
ومحبة نزعوها
فيه ناس بتستغرب
 وناس بتتغرب
فيه ناس تقربلها 
و منك بتتهرب
يا قلبي معلش
 ماهو الزمن الوان
ايام تلوننا بالهجر 
والحرمان
وأيام نلونها
 بالحسرة والكتمان
وأيام خدت مننا 
ذكرى و أعز ما كان
ياما سمعنا كلام
 ع الصفح والحكمة
جلسة ولمة تمام 
والرشد بالكلمة
نسيوا اللي 
وعظوا بيه 
شدوا الرحال
 فرقة 
بالعزم وبهمة
سلام ع اللي
 باع دايس
 على النعمة
والحمد لله اوي 
نجانا من نقمة
صحيح قلوبنا اترمت
 وماعدلهاش لازمة
يكفينا رب الخلق 
 و ضميرنا والذمة.
هل اعجبك الموضوع :

تعليقات