القائمة الرئيسية

الصفحات

أخر الأخبار


شعر_ كريمه محمد

ومن الجدير بالذكر

  تكون معايا وتسمعنى وتهدهد 
روحى المهدوده
تكون كلك (آذان صاغيه)
وأكون طاغيه على مڜاعرك أكون أنا رقم واحد
 والشاهد. !!!!!
أبص ف مرايتى ألمحك طيفى
تكون ربيعى ف عز خريفى
تكون مركبى ومجاديفى
 تكون صافى تكون وافى
وفى عز الرضا طيبى
أنا ماقبلشى غير حد يفوق رميو ويفوق قيس
يكتبنى ف السيناريو بطله
وماكونش كومبارس ف الكواليس 
أنا مش عروسة ناقصها عريس أنا ناقصنى فارس جاى من إمبارح على بكره
يعيد فكره. الحب
الملفوف ف السلوفان
 يفك خسوف القمر
لجلن يبان !!!!!
 ينشلنا م التوهان
ملعون يا حب لو تتهان
 ويحولوك موضه الحب ف ذاته كيان
عمدان  
على بنيان
إبنى جواك الحياه
  بكل ما فيها 
 والتوهة مرفوضه
ح تلاقى الحياه ألوان
  وأبدا ما هيش سوده
أرمى شباك الأمل
ف البحر راح تطرح 
  أيدين متشبكه والقامة مفرودة
عيشها زى ما هى 
ماهى قصيره ومعدوده 
لونها بلونك الوردى
  وإفتح دروب الحياه لو هى مسدوده
هل اعجبك الموضوع :

تعليقات