القائمة الرئيسية

الصفحات

أخر الأخبار

"غسان مطر "ماساه وفاه أسرته واولاده على يد الاحتلال الإسرائيلي


كتبت فاطمة عامر الاسماعيليه

(٨ ديسمبر ١٩٣٨-٢٧ فبراير ٢٠١٥)
احنا كلنا نعرف غسان مطر ابو صوت تخين اللي دايما لفوق .. لكن تقريبا ناس كتير متعرفش حاجة عن حياته .. فخليني اقولك حكايته
هو اسمه الحقيقي عرفات داوود حسن المطري.. فلسطيني من يافا.. سنة 48 اتهجر مع ابوه واخواته اال 14 من فلسطين.. وفضل رحالة لحد ما جابه المخرج حسام الدين مصطفى يعمل دور شقيق الرسول بالرضاعة "عبد الله بن العز" في فيلم الشيماء.. مش عارف ليه ساعتها المخرج نيازي مصطفى شافه في دور شرير في فيلم "المتعة والعذاب" واستمرت الحكاية.

في سنة 1969 قدم فيلم اسمه الثائر من بطولته وتأليفه عن القضية الفلسطينية.. وحتى ان أبو مازن.. اداله لقب "فنان الشعب الفلسطيني" وقال انا فنان الشعب الفلسطيني دي اهم من اي جايزة تبقي فنان شعب عظيم زي دا.. المهم بقي .. هو اتجوز وخلف 4 عيال.. حلو ... ابنه الكبير سماه جيفارا.

جيفارا ابنه كان رايح يدرس في الجامعة في فرنسا.. فقال لابوه ينفع اروح ازور امي واخواتي في لبنان قبل ما اسافر فرنسا . قاله روح وانا هخلصلك ورقك هنا في القاهرة.. وبالفعل خلصله الورق .. وكلمه قاله بكرا تبقي في مصر عشان تسافر يا جيفارا.. قاله ماشي.

ساعتها غسان كان بيصور في مسلسل "محمد رسول الله".. فتح إذاعة مونت كارلو يسمع الاخبار .. ايه اول خبر في النشرة.. قوات الاحتلال الاسرائيلي تبيد اسرة الفنان غسان مطر بالكامل .. تخيل تبقي بتسمع النشرة تلاقي ان خبر ابادة اسرتك أول خبر.. الخبر زلزله.. بس كان فاكر انه خبر فيك اتصل بمراته مفيش اي رد..

بعدها بخمس دقايق.. كلمه حماه قاله "المرة( المدام) وال 4 عيال ماتوا الله يعوض عليك يا غسان.

لو شفت ثباته وهو بيحكي مع مني الشاذلي عن الحكاية طبعا منى بمنتهي الــ ولا بلاش.. سالته قالتله مش ندمان.. قالها ولو رجع بيا الزمن مش بس عيالي الاربعة لا كل اهلي فدا فلسطين .. انا مؤمن بقضية بلدي لحد ما اموت انا وعيالي وفلوسي وبيتي وكل حياتي فدا فلسطين..

طيب ما انت بتعمل هلس واختراع يا كوتش واعلان حلاوة طحينية واعمل الصح .. قالها بعمل كدا عشان اكل عيش.. كل فين وفين لما يتعرض عليا دور كويس لو مثلت الكويس بس هموت من الجوع وبعمل الهلس عشان اعرف اصرف علي الكويس.

ومات غسان مطر في هدوء شديد في 27 فبراير 2015، بسرطان المعدة، وكان عمره 77.

الله يرحمك 
منقول
هل اعجبك الموضوع :

تعليقات