القائمة الرئيسية

الصفحات

أخر الأخبار

ابويا اللى قلت عليه كداب

شعر/ كريمه محمد ابراهيم
أبويا اللى قولت عليه كداب
...................................
شايلى ف جيبه حاجات حلوه
ولأنى لسه مش مستوعب الاسباب بقول 
أبويا ليه يكدب
جاى وتراب السكه 
على وشه وباينه الأهة لمداها
واقوله أنت بخير 
يتوهنى فى متاهة 
ويبدل تعبه بالضحكة
وفاكرنى تهت وياها
أنا مركز وشايفه 
من ورا البرواز 
  ملامح كلها إعجاز 
يقدر يخبى أوجاعه
  ويعيشنى ف الالغاز 
أبويا تعبان 
 بس مهما يدارى
  عليه الوجع بيبان
أبويا صاحب القضيه
أبويا ليه كدب عليه
لما شفته مره صاحى
 صلى الفجر وباس جبينى
شوفته أنا ساعتها بعينى
داير كما الساقيه 
طاحن فيها سنينى
عشان يشوف ف عينى
 العيد
ويشوفنى سعيد 
و يشوف البسمه 
 على وشى
 أحس إنى م العناقيد  
حد ف ضهرى وساندنى 
ف فرحى يزيد
أبويا حبيبى وعيونى
لكن أحاسيسى غلبونى 
 عايز. أشوفه بيعمل أيه
لقيته بينحت ف الصخور
بإديه
ويا  
ضوافره
 وجواه أمل وحياه 
وناس كتير بيعافروا
وينزل عرقه المالح
على جرحة اللى جاب 
أخره
بيكافح وأحلامه بيتاخروا
أقوله تعبان
يقوم ساكت 
ويبدل تعبه بالضحكة
ويخدنى بالأحضان
 ودقات قلبه شقيانه
وحتى المستخبى بان
أبويا تعبه لراحتنا
أبويا سر ضحكتنا
 أبويا يدينى اللقمه
 
ولو يبات جعان 
  أبويا ليه كدب عليه
يكون تعبان وما يصرحش
يكون شقيان ولا يرحتش
يكون باكى ويدارى
يخاف زرعته ماتطرحش
يكلمنى ولا يجرحش
ديما يقول عكس
اللى حاسس بيه
يعيش أبويا وربنا 
يخليه
هو ديما اللى 
 ليه بس 
  ليه كدب عليه!!!!!!!
هل اعجبك الموضوع :

تعليقات