القائمة الرئيسية

الصفحات

أخر الأخبار

بقلم /كريمه محمد ابراهيم

عروستى قماش
  ياريتنى زيها ماشلش الهم
جرحها مخفى ولا حتى بتنزف
دم
بحكى لها وتسمعنى
وأيه يعنى ماأنا اللى 
قلبى وحدانى. ولا لاقى اللى بيه
يهتم 
بدون كل أوجاعى وأشيلها
وفى حضنى بشيلها
أحسن النبض جوايا واصلها
أحس ف عنيها دموع  
وحياه كامله بكل تفاصيلها
بتخيلها أب وخال وأهل وأم
 بتخيلها حضن وسيع لحالى يضم
أنا وهى اتنين أصحاب وكمان أحباب ف حكاوينا بنلضم
فى ناس بتعشق الأحياء
وأنا عشقت الجماد والصم
فى ضيق العالم بلقى البراح
يرسم جوايه حواديتو بالألوان
بتترجم لغاتنا بكل لسان
ولسان حالى معاها  
 يعيد الذكريات 
الحسنه تخص والسيئه بتعم
أنا وهى صندوق مقفول 
أحكى لها وهمى يزول
وليها بقول
لاتفشى سرى ولا تخاصم
كمان وتذم
أنا وهى كيان واحد 
اللى ناقصنى بيها يتم
هل اعجبك الموضوع :

تعليقات