القائمة الرئيسية

الصفحات

أخر الأخبار


شعر / كريمة محمد ابراهيم
أنا مش عبلة
أنا الهبله  
  إللى ف قلبى 
بنيت لك بيت
وكنت المقصد و القبله 
وليك لبيت
أنا طبيت
و بقيت تحفه
وانتيكه
ومسحتنى بأستيكة
لما عليت
أنا ما تمنتش تكون
عاشق برتبه قيس
كل اللى إتمنيته
تكون لى هويس
هويس حنان ومحبه
ألاقى طبطبه
وصحبه
ف وقت م العمر 
يعلن التفليس
وأنا 
 البنت اللى ضفايرها
بطول الليل
حلمت بفارس الفرسان
يكون حبيب وخليل
 عيشها ف التضليل
شاف نفسه ف ضلها
المعشوق
 ف بص لفوق
وسابها تميل
سابها كما الجذوع خاويه
وف عنيها ملهش بديل
لكنه عاشق التغيير
غلبت 
تجادل وتعدل
واتهد منها الحيل
 فضلت منكسره
وبحسره
والزوايه كات زوايه ميل

وعجبى
على اللى قال 
أنا رميو
وح أعمل م النجوم عناقيد
أتارى عنيه الاتنين عميو
ماشفش فى يوم حبها
لما يزيد
وطلع قرش برانى
وشمعة لغيرها يقيد
ماهو مش فالح 
غير ف التقليد
لايوم فرحها
    ولا جدد
   معاها اليوم
ملاها هموم 
وسابها تعوم
ف التوهة
 لا كان يوم زى الأخ
ولا الحبيب ولا خد مكان أبوها
 ح تعمل أيه
ف حظها العاثر
بلاش تتكوا عليها
ف سيبوها
تعيد تكوينها من تانى
أهى عايشه ف الأحلام
ف خلوها
ف الأحلام خلوها
هل اعجبك الموضوع :

تعليقات