القائمة الرئيسية

الصفحات

أخر الأخبار

            
  شعر - شيماءالغياتي
 كل اللى
 حواليك كوم
دول  لمة كدابة
ف الفرح مدعوين
 ف الحزن دا ديابة
كل الصحاب خدعوك
فى يوم عطوك الوعد
فى الشدة جريوا بعيد
خيرهم وبس لبعض
حتى الخوات هجروك
من يوم شافوك مهزوم
وقت انتصارك بطل
وقت العذاب جلدوك
حتى العمام بالكوم
قاعدين يتابعوا الفيلم
ولولدهم هيبعوك
علشان تراب الأرض
وقت الحساب صفوك
 قبل اما يوم تتلم
وقت الوقوع هيفتوك
تتصفى نقطة دم
وان طالوا يوزعوك
ف كاسات ولاد العم
والخال دا غالى وراح
وولاده عزوة وشمل
فينهم تملى سابوك
ولا يعرفولك ابن
وكل اللى فاتك يوم
مكنش علشانك
واللى اندلق م الكوب
دا نصه أحزانك
والوكسة تظهر قوية
لما القريب خانك
والقرب قرب القلب
ولا تنسى خلانك
كله ف تلاهى الدنيا
 ايام وبتعدى
عايشانا فيها حياة
ويارتنا بنعيشها
لو كنت ناوى تسجل
فابدء من الوالد
فاتك بحمل جبال
وما مات مين فارق
ندرت ندر قديم
جه وقت وفيته
فضل بجرح عظيم
لسه ما سديته
وترد فين المظالم
وهو ظالم بيته
واكتب ف سيرة الوجع
اوعى تفوتك جمرة
دا غصة الحلق مرة
وف مرها احترنا
وان جار عليك اللئيم
فاعطف على حاله
ما مال وتد الجبل
الا الكريم شاله
بعطفه عز القلوب
وكرامة منصانة
لو شاء يذل رجال
وبايده يعليهم
سبحانه عالم الغيب
فى لحظة يفنيهم
حمدا لرب البيت
عزيز بيحميهم
هل اعجبك الموضوع :

تعليقات