القائمة الرئيسية

الصفحات

أخر الأخبار


شعر/ كريمه 

إن إحتياجك للهوا .اكتر من إحتياجك للهوى
واللى هوى 
مش ح نسيبه ينفلت   ح نقف معاه
لو يوم  غلط  ونصدقة 
ح نطلعة من خندقة
معانا الدوا
دوا الصداع 
للى ضاع  
وسط الزحام
دوا اللى باع 
قلبه وملامحه
بأيه ولا  بكام 
دوا القلق. للى
أتفق  
ح يعيش عمره
ف الخصام
وجوه  النفق
ما داقت عنيه 
طعم المنام
دوا إنفصام
للى خالف شخصيته
عشان ضعيف. 
وسنه أولى ف الغرام
دوا فوبيا. ولوبيا 
ومضادات  للزكام 
اللى هوى. 
عشق القمر  وسرق الجمال
واللى هوى سقط فى بير
 حلل حرام  وحرم حلال
اما الهوى بتاع ربنا
ببلاش
ومايتحاش عنك  
الا بسفر الروح للجمال
وهيفضل إحتياجك للهوا
والاوكسجين 
اهم من   
جاه ومال 
 وحتى لو الحظ. مال
مسيره  يوم يتعدل
وتتغير الاحوال
طول م الإراده موجوده
وعملنا المستحيل
وسيبنا من قولناو قال
هل اعجبك الموضوع :

تعليقات