القائمة الرئيسية

الصفحات

أخر الأخبار


شعر - أمينة عبدالفتاح

لما سألوا ايه ف نفسك
قلت عايزة حاجات كتير
قلت عايزة مصر بلدي
يبقا فيها الخير كتير
لا احب يكون عندي
 من المال مليون جنيه
 ولا حتي  يتقاليياباشا
 ولا حتى يتقالي يابيه  
نفسي اشوفها  حاجة تانية
 مصر  بلدنا ام الدنيا 
والفرقة مابنا بتتهد
ويرجع تاني لزمن الود
مصريين بايدين شغالة
 قلوبها ماليها امل للغد
   بيبنوا يعلوا  تاني بلدهم 
 مجد حقيقي  و يد ف يد
وقت الجد المصري يسد
مش هو اللي بني لنا السد
شال على كتفه وعدا الصعب
ولاهموش من أيها حد
شعبنا واحد ربنا واحد
 واللي يقول غير كده
ده جاحد
نفسي الأرض يلالي خضارها
تطرح تاني سنابل يوسف
و سنابل قمح يامكترها
 تتخزن ف صوامع يوسف 
نفسي اشوف ابني
 في مدرسته وبيدرس
 علم مع ايمان بمناهج
 كلها بتفيده  تبني 
جواه الانسان
وبالاخلاق ازاي يتعامل
 زي ماوصت بيه الاديان 
نفسي اشوف المصري
 ف صحة
مايكونشي حزين
 ولا عيان
مروي بدم حنان ومحبة
ومروق حاله وفرحان
إن كان ف مدينة أو ريف
أو حتى ف صعيدنا كمان
هل اعجبك الموضوع :

تعليقات