القائمة الرئيسية

الصفحات

أخر الأخبار

شعر 
هدى عبدالله 
الإسماعيلية 
--------------

لو ف يوم
 يبعت رسالة
 يقول فاكرني
لو ف يوم
 يبعت يقولي
 مش ناسيكي
لو جه ف باله 
 مرة فيها
 يفتكرني
ويقولي
 رغم البعد
 لسه انا
 روحي فيكي
وان البعاد 
كان
غصب عني
 و الجراح 
ماكنتش مني
وانه نفسه
 تاني يرجع
بس خايف
 بردو مني .. 
نفسي يوم
 اشوف رسالة 
يقولي فيها
ماتزعليش
يحلف يمين 
ويقولي فيها
 ماسبتكيش
و أن كل الدنيا
 كانت واقفة
 ضدي
وانه صعب
 يعيش ف بعدي
وانه لسه بيفتكر
 ضحكة
 ضمتنا سوا
و دموعي منه
 لما يعند
 ف الهوى
وقلبه اللي
 داب 
من كتر مااقوله
 أنا 
آه.. يا أنا 
نفسي مرة
 ف يوم ميلادي
 يعمل كأنه
 حد تاني
و بحنان
يبعتلي وردة 
زي عادته
 كل مدة
يرمي فوق
 عتبة حياتي
 كلمة حلوة
 فيها روحه
يمكن ساعتها 
 أحن ليه
 واشفي جروحه
نفسي اصحا
 مرة واحدة 
بس اشوف
 مرة عيونه
ماليها دمعه
و ذنبه شايله
مابين ضلوعه
نفسي احس
 ان قلبي
 ماكانش لعبة
وانه ماكنش
 مقضي وقته
وبيعاملني
 كأني صاحبة. 
نفسي
 نفسي... 
الف حاجة جوة نفسي
نفسي انسى كل حاجة
وافتكر فرحة رجوعه
و انسى غدره للمحبة
أنسى غدره للمحبة.
هل اعجبك الموضوع :

تعليقات