القائمة الرئيسية

الصفحات

أخر الأخبار

 
________
شعر - هدى عبدالله 
الإسماعيلية 
----------------
ماتدقش.. 
أو ماتدققش
ولا تخضع
 لايام هاجراك
ولا تلبسش
هموم عايزاك
و مرحرحة
وكمان بتلق
خليك زي
ما ربنا خلقك
و ان وقفت
عجلة احلامك
طوح ضعفك
وانزل زق
دنيا ملانة
بمليون وش
زي اقفاص
 فاكهة بتوشش 
و حاجات
زي الدود ف المش 
فماتدققش 
ولا تزعلش
لو صاحبك
 باعك برخيص
ولا تندم على
ضحكة جميلة
راحت من قلبك
 بفطيس
واوعا الكره
 يعشش فيك
وتخبيه وتقول
 خلاويص
خليك عالي
ف كل افعالك
تبدر خير
 وبتنزع شر
مهما الحسرة
 تجيب الكسرة
خليك نسمة
 وحبة صبر
و خليها على
 رب الخلق
ماتدقش
أو تنزل دق..!
ولو حد اتسبب
 ف أذاك
واللا ف شغلك
 بين زملاك
عادي
ماهي دنيا
 وعارفينها
طاحنانا
 وبتنزل دق
سيب الدمع
ينضف جوفك
حرر أحلامك
من خوفك
واعمل جرد
لكل آلامك
يكفيك ربك
 جوه ف قلبك
يكفي أن ضميرك
 على حق.
هل اعجبك الموضوع :

تعليقات