القائمة الرئيسية

الصفحات

أخر الأخبار

حتي أمراض زمان كان فيها بركة

حتي أمراض زمان كان فيها بركة
سلوي ياسين الإسماعيلية

فين ايام زمان لما كان الواحد بيعطس ويكح براحته ولا حد يخاف منه ويجري ،ومش كدة وبس لأ ..كمان كانوا يقولوا لك إذا عطست يرحمكم الله  وإذا كحيت الف سلامة وترد انت بكل تواضع ..لا ..دول شوية برد  وان شاء الله  هيرحوا بقرصين اسبرين (ريفو) وكباية شاي بلمون وخلاص البرد ينتهي وكنت انت ال تطلب منهم أنهم يكونوا بعيد عنك من باب الشهامة يعني .. بجد أمراض زمان كانت طيبة وحنينه حتي كان فيها بركة .. فاكرين لما جات إنفلونزا الطيور الفراخ بقيت ببلاش والبيض كمان كنا بناكل فراخ  30 مرة في الاسبوع ونقلي 15 بيضة علي الفطار ،  ولا مرض جنوب البقر  كنا  كل يوم نشوي  لحمة وسعر اللحمة نزل الأرض اما الكورونا دي ما استفدناش منها بشلن بالعكس كمان بنشتري كمامات ومطهرات  ...لا لا لا أمراض زمان كان فيها بركة اكتر.. بس الشهادة لله عشان ما نظلمهاش برضه كورونا كان ليها فائدة فاكرين إرشادات زمان في كتب المدرسة اغسل يديك قبل وبعد الاكل لوقاية من الامراض وللمحافظة علي النظافة الشخصية رجعنا تاني نعملها وتغسل أيدينا 500 مرة في اليوم وبطريقة معينة كمان يعني رب ضارة نافعة يمكن دي الحسنة الوحيدة للست كورونا.
إيه رأيكم في الكلام ده شاركوني الرأي من فضلكم
هل اعجبك الموضوع :

تعليقات