القائمة الرئيسية

الصفحات

أخر الأخبار

أوقات بنتنازل عن حقوقنا لحد ما الأخرين يفتكروها حق مكتسب

أوقات بنتنازل عن حقوقنا لحد ما الأخرين يفتكروها حق مكتسب
سلوى ياسين الإسماعيلية

 ابني كان بينسي يشحن موبايله قبل ما ينام أخدته حطيته يشحن... صحي الصبح مبسوط أوي و قعد يشكرني،، تاني يوم : بردو نسي، شحنته له، قال لي : شكرا يا بابا،، تالت يوم : نمت بدري و ما شحنتش الموبايل بتاعه، صحي متضايق و زعلان و بيعاتبني لية ماحطتش الموبيل على  الشاحن ينفع كده ؟؟!!
- رتبت سرير بنتي كام يوم بدالها،  بطلت ترتبه هي خالص، حتي لو مش تعبانة أو مش مشغولة...
- عودت صاحبي إني أتصل بيه أطمن عليه،  في يوم تعبت و ما  سألتش عليه، زعل وقالي ما إتصلتش بيا ليه؟؟؟
- إستحملت زميلي ساعة غضبه، بقي العادي بتاعه إنه يتعصب عليا ....
- صديق ورث  هو واخواته عمارة بيقتسموا إيجارها، ساب حقه لإخواته كام شهر و أما إتزنق شهر و حب ياخد إيجارها شهر واحد، ... بصوله  باستغراب، و كان لازم يحكي تفاصيل زنقته عشان ياخد حقه.
و..و...و....و.....حكايات كتير .. نفس النظام ..
كل إللي يجي علي نفسه ويفضل غيره عليه ويشيل عنه، لازم يفضل كدة أو هيبقي وحش ..أوقات بنتنازل عن حقوقنا لحد ما الأخرين يفتكروها حق مكتسب!
قال هذا الكلام الفنان ماجد الكدواني في فيلم هيبتا وقد لفت نظرى جدا و حبيت انقله لكم لأنه فعلا كلام مهم ويحدث علي أرض الواقع وهل تتفقون معه.. انتظر ارائكم
هل اعجبك الموضوع :

تعليقات