القائمة الرئيسية

الصفحات

أخر الأخبار

ياريت تناديني ... 
------------------
شعر - هدى عبدالله 
الإسماعيلية 
-------------
و سبت أنا قلبي 
على بابك
لعلك يوم تناديني
فأرجعلك 
ويمكن يفتكر
 قلبك
وقفتي يوم
 على بابك
بدمعلك
تاخدني دنيتي
 منك
واستارك محوطاني
وريحة حجرك
 الأسعد 
بتسري ف روحي
 وكياني
ولا اقدر اعود
 هناك تاني
إلا بندهتك ليا
تحسي بيا
 وبشوقي 
تحسيني
 بصفا النية
واجري عليكي
 واتبسم
واروح أجرى 
 على زمزم 
فأتزمزم برؤياكي 
ما بين المروة
 وصفاكي
عنيا عليكي
 ومعاكي
حبيبتي
 منيتي انتي
وبيت الله
 على ارضه
وداد بيني
 وبينك دوم 
يكون علو
 السما حده
ومشتاقلك
 وبشتاقلك
ودايم ف
 الحشا شكلك
وبدعي ف يوم
 أنا اوصلك
واوصلك سلام
 احباب
بتشتاقلك
حبيبتي 
ياللي ضلك شوق
 محاوطني
وجوه عنيكي
 حاططني
وبرفع ايدي
 للرحمن
ارجع ليكي
 تأويني
تضميني
حبيبتي تعبت
 م الاشواق
وطول الوجد
 وحنيني
ف أركانك 
حياة الروح
حبيبتي
      ياريت تناديني.
هل اعجبك الموضوع :

تعليقات