القائمة الرئيسية

الصفحات

أخر الأخبار

لو ف يوم
--)))))))) 
شعر - هدى عبدالله
الإسماعيلية
--------
 لو ف يوم يبعت
 رسالة
 يقول فاكرني
لو ف يوم يبعت يقولي
 مش ناسيكي
لو جه ف باله 
 مرة فيها يفتكرني
ويقولي رغم البعد
 لسه روحي فيكي
وان البعاد 
كان غصب عني
و أن الجراح 
ماكنتش مني
وانه نفسه
 تاني يرجع
بس خايف
 بردو مني
نفسي يوم
 اشوف رسالة 
يقولي فيها
ماتزعليش
يحلف يمين 
ويقولي فيها
 ماسبتكيش
و أن كل الدنيا
 كانت واقفة ضدي
وانه صعب
 يعيش ف بعدي
وانه لسه بيفتكر
 ضحكة ضمتنا سوا
و دموعي منه لما 
يعند ف الهوى
وقلبه اللي داب 
من كتر مابقوله أنا 
اه يا أنا 
نفسي مرة
 ف يوم ميلادي
 يعمل كأنه حد تاني
و بحنان
يبعتلي وردة 
زي عادته من  زمان
 يرجع زماني
والأمان 
يرمي فوق عتبة حياتي
 هدية حلوة فيها روحه
يمكن بفعله أحن ليه
 واشفي جروحه
نفسي اصحا
 مرة واحدة 
بس اشوف مرة عيونه
ماليها دمع يحس ذنبه 
مابين ضلوعه
نفسي احس
 ان قلبي ماكانش لعبة
وانه ماكنش مقضي وقته
وبيعاملني كأني صاحبة. 
نفسي نفسي... 
الف حاجة جوة نفسي
نفسي انسى كل حاجة
 حتى غدره للمحبة.
هل اعجبك الموضوع :

تعليقات