القائمة الرئيسية

الصفحات

أخر الأخبار

"لو سمحت احنا عايزين مصر"

"لو سمحت احنا عايزين مصر"
كتبت: سلوي ياسين الإسماعيلية

قرأت هذا الكلام واعجبني كثيراً وقررت أن انقله اليكم لنسترجع سويا هذه الأيام الجميلة ونعود بالزمن قليلا إلي الوراء ونعيش سويا ولو لحظات قليلة مع هذه الأيام الجميلة التي كان عنوانها الحب والدفء  والود والاحترام بين الجميع وكل هذه المعاني الجميلة التي نفتقدها هذه الأيام 
اقرأوا معي هذه الكلمات الجميلة لتعرفوا كم نحن افتقدنا اليوم.

لو سمحت احنا عايزين مصر بتاعت مسلسل الساعه 8
 وحديث الروح الساعه 9 إلا ربع .. ووراه اخبار الساعه 9
 وبعدين نحاول نحل سؤال الجنيه الدهب مع طارق
 علام وفي الاخر نشوف فيلم يارب ولد او الحفيد
 وبعدين السلام الوطني والتلفزيون يقفل
 ويشغل وششششش .. وبعدين ندخل ننام
 احنا مش عايزين تليفونات .. مش عايزين فيس ولا انستجرام ولا حتي الماسنجر
 خد حاجاتك دي كلها والله ما عايزينها .. بس رجعلنا لمتنا في البيت الكبير زي زمان .. لمتنا وسط اهلنا .. وسط ابونا وامنا
 وسط الخير .. رجعلنا حياتنا اللي كان كل همنا ساعتها اني اكتب الواجب او احفظ جدول الضرب .
 خد كل حاجاتك ورجعلنا حاجات كتير فقدناها
 كانت بالنسبه لنا هي الحياه اللي بجد
 خد كل حاجاتك ورجعلنا ناس كانوا عايشين حياتهم بس علشان احنا نبقي مبسوطين.
هل اعجبك الموضوع :

تعليقات