القائمة الرئيسية

الصفحات

عاجل

بقلم /الاعلامي أسامةقاسم

انا الشهيد الحي ... الموت ماشي ورايا رايح جي...
انا المقاتل ضابط الجيش ... راجل صلب ... لا انا متدلع ولا ني
انا اللي بيحرضوك عليا ... طيب اسمعني وبالراحه عليا ...
انا اللي اشتغلت ضابط جيش ... علشان اموت مش علشان اعيش...
باكل جراية والجراية دا أكلي رز ورغيف عيش ...
مخلتي علي كتفي انام علي سرير... او علي الارض ... أو علي خيش
وبعد فتره ممكن أبقي ضابط شرطه ف العريش ...
وممكن بواب علي سفاره اسألك علي ورقك والفيش ....
وأمن سفاره وأمنع النصب والرشوه والبقشيش ... انا ضابط الجيش اللي بيحرضوك عليا
هتلاقيني في دوريه علي الطريق صاحي وسلاحي علي ايديا .....
شادد أجزاء بندقيتي ... والارهابي يخاف يبص في عنيا ...
لأنه عارف ان رصاصتي في قلبه هديا ....
وتجار السلاح والمخدرات سهلين قوي عليا ...
انا اللي نزلت وزعت التموين ... وزعت العيش وأمنت الانتخابات والماتشات ولا مش فاكرين ...
أمنت أسئله الامتحانات أوعوا تكونوا ناسيين ....
ماعنتش فاكر عملت ايه ولا ايه من كتر شقا السنين ...
بس ياترى انتوا مقدرين ....
دا أنا حضرت جنازات لزمايلي اكتر من الافراح ....
ياما بكيت وحزنت علي صاحبي اللي راح ....
هقولك حاجه ... عارف ليه النعش مش بيشيله الا جنود الشرطه العسكريه
لأن النعش بيبقى فاضي ..... واحيانا كيس اشلاء في قماشه متداريه ....
لأن التفجير مزعه وحجر الدمعه في عنيا ...
أنا بأمن كنايس مصر كلا في نفس التوقيت ... ولا عاوز شهره ولا اعلام ولا صيت
تقولي مش خايف تموت .... اقولك ياريت ...
أنا وزمايلي بنحارب في سينا علشان انتو ترتاحوا ....
وتقدروا تبنوا مصر تاني بدمي ودم اللي راحو
عارف ياخويا منمتش من امتى... عارف سايب اهلي وبيتي ومودعهم من أمتى
انت عارف اني ما بنامشي ... لونمت مابحلمشي ... ولو حلمت بأحام بالكفن والشهاده وافرح ماعيطشي ...
وانت قاعد تكتب علي سريرك وتقطع فيا مترحمشي ....
أنا عمري ماخفت من الرصاصه لو شقت جسمي ... أو خدت صاحبي اللي كتفه في كتفي
بس كلامك وتجريحك أقوى من الرصاص
دا بدل ماتديني دفعه وكمان حماس ... دا أنا بني ادم لحم ودم واحساس
وبحبكم وبحب مصر ياناس .... مصر مالهاش زي .. انا الشهيد الحي الموت ماشي ورايا رايح جي ....

هل اعجبك الموضوع :

تعليقات