القائمة الرئيسية

الصفحات

عاجل

انفراد وحصري.. حوار مع الفنان محمد عبد المعز " الشهيد اسماعيل" في مسلسل الاختيار


حاور _ حنا النجار 


انفردت جريدة أنباء الوطن الان بحوار خاص مع الفنان الجميل محمد عبد المعز الذي قام بدور الشهيد البطل " اسماعيل" في الحلقة الأولى من مسلسل الاختيار ..
وقمنا بتوجيه بعض الأسئلة اليه:

س_ كيف جسدت شخصية البطل الشهيد اسماعيل وما تأثير الشخصية عليك؟
_ انا ممثل مسرح في الأساس تم ترشيحي للدور من قبل مدير الكاستنج محمد نبيل منييب، شرف كبير لي اني اكون في عمل زي ده ومحظوظ بيه.. ذاكرت الشخصية كويس وحاولت احط ابعاد ليها مع ان المشهد كان صغير علشان احاول اتعايش مع شخصية عساكر قاعدين في عز الحر صايمين انا وزمايلي ومستنين الافطار فمن شده حرارة الجو كنت بهزر معاهم وفي اخر المشهد بنضحك علشان يبان ان احنا بنهزر والدور عجب الناس وكان معي صديق من العريش اتصلت عليه لمعرفة الجو في العريش ازاي والعساكر هناك عايشة ازاي فالموضوع كان صعب جدا تخيل عسكري فعز الي هو فيه في عز انه في عدو قدامه ويضحك ويهزر حاولت اعرف كل التفاصيل.
وكل مشهد كان بيتصور لوحده والمشاهد كانت بتتاخد بأعلى شكل من التدريب عليه علشان مشهد التفجير يتاخد من مرة واحدة وطبعا التصوير كان فعز التلج والبروده ف نهايه شهر 12 بس كان مطلوب مننا ان نظهر المشهد وكانه كان في عز الحر لان الحادثه الحقيقيه حدثت في عز حراره الجو، وحاولت اني ابان طبيعي جدا في المشهد ونسيت الكاميرات اللي قدامي وتعايشت مع الدور ونسيت انه كان فيه نجم محترم جدا واقف قدامي (كريم محمود عبد العزيز) ولم اشعر بكل هذا الا بعد انتهاء تصوير المشهد.

س_ الحلقة الأولى من مسلسل الاختيار وهي حلقة استشهاد جنودنا في شهر رمضان قبل الافطار  كيف عشت أحداث الحادثة كتصوير وكمشاهد؟ واين كان مكان تصويرها؟
_ احداث تصوير الحلقة الاولي كانت صعبة جدا لأننا كنا بنصور في أخر شهر 12 وبرودة الجو كانت عالية جدا ومضطرين ان نظهر المشهد وكانه في الصيف على سبيل المثال في المشهد وانا بقول (يادين النبي دانا هموت من الحر) انا في الحقيقة كنت هموت من التلج، مكان التصوير كان صعب جدا لانه كان في الصحراء الشرقية والحلقه كانت معموله بأعلى دقة واحترافية.

س _هل تم اذاعة تصوير مشهد حادثة الاستشهاد بالكامل ولا تم حذف بعض المقاطع من قبل المخرج للتخفيف من صعوبة المشهد ؟
مشهد اقتحام الكمين والاستشهاد تم اذاعته بالكامل ولم يحذف منها اي مقطع.

س _وجه كلمة لاسرة الشهيد منسي ؟ وللجيش المصري وما يقوم به للحفاظ على أمن مصر القومي؟
شكرا للبطل الشهيد "منسي" انت حميتنا وحميت عيلتنا وحميت كل فرد من الشعب المصري.. فكل الشكر ليك وربنا يصبر اهلك ، واحنا كمشاهدين بنشوف المشاهد في المسلسل ونبكي ونتأثر جدا فما بالك بأهل الشهيد ربنا يصبرهم، كل الشكر والتقدير للجيش المصري اللي بيتكون من اهلك واهلي كلهم فالجيش وفي وم هيكون ابني في الجيش المصري وانا تحت أمر الجيش المصري في أي وقت.

س _ اخيرا وجه كلمة لجمهورك؟
جمهوري دول اخواتي وأهلي واصحابي وحبايبي.. احب اقول  لهم انتو في ضهري وشكرا ليكم ان انتوا معايا وانتوا اللي مكملين معايا ودعواتكم ليا في الي جاي وانا محظوظ اني شاركت في مسلسل الاختيار ولو بدور صغير .




هل اعجبك الموضوع :

تعليقات