القائمة الرئيسية

الصفحات

عاجل

الدايت وزيادة الوزن وصعوبة الإنتظام

كابتن. شريف عبدالتواب

 كل إللي بيعمل دايت بيخس ويتخن ويتخن ويخس 

وطول ما هو ماشي في طريقة للجسم المثالي بيعدي  بالمراحل  دي  من تخن وخسسان وثبات  وتخن تاني  والخ. 

 الفروق الشخصية بيننا وبين بعض بقا هي إللي بتحدد مين بيوصل للهدف ومين لاء .

 فيه أشخاص لما بتبوظ الدايت آخرها يوم أو يومين في الأسبوع وهي وجبة أو وجبتين خلال اليوم ده أو اليومين دول.

وممكن يكون أكل صحي بكميات كبيرة 

 وفي نوع تاني لما الدايت يببوظ منه ف وجبه بيتحول للمنتقم الجبار ويضرب فيها أسبوعين ورا بعض خاربها .

 في الغالب النوع الأول بيوصل في وقت أسرع وبيقدر يحافظ دائماً علي حدود معينه بزيادة الوزن ده.

 يعني مجرد ما يزيد كيلو ولا 2 بسرعه بيحاول يصلح غلطته.

  أتمني كلكم تبقوا من النوع ده .

 حتي لو أنت من النوع التاني هتكون برضو أفضل من الأشخاص إللي سايبين نفسهم ومش بيحاولوا خالص يصلحوا من حياتهم وعادتهم وبيسيبوا نفسهم لحد ما الدكتور يمنعهم عن الأكل.

بس أتمني تحاول تروح للنوع الأول هتستريح أكتر وهتوصل لهدفك أسرع.

 علي العموم
ديما حاول تغير من نفسك وتبقي احسن واوعي تخرج بره النوعين دول وتروح للنوع المستسلم الي بيبرر لنفيسه وللناس تخنه وتعبه ووجع بطنه ورجله وجيمه بكلام من عينه ( ده عز  - والاكل احسن شئ ف الدنيا - وهناخد ايه من دايت      والخ )

 الصحه تاج علي رؤوس الأصحاء فحافظ عليها .
هل اعجبك الموضوع :

تعليقات