القائمة الرئيسية

الصفحات

عاجل

بقلم سناء محمد
يمكن اكتر حاجه كانت دايما تتضايقنى زمان انى بفهم بسرعه اوى اللى قدامى بقدر بسهوله اكون صورة كامله عن شخصيته لدرجة أن زميل قالى مرة طب انت ايه اللى بيضايقك في كدا دى حاجة كويسة جدا انك تفهمى اللى حواليك ده بيسهل كتير عليكى فى التعامل فهم شخصية اللى بتتعاملى معاه.. انت غريبة فى غيرك بيدفع فلوس وبياخد محاضرات في التنمية البشرية عشان يوصل لكدا.. وقتها رديت عليه بضايق لانى مش بيكون قدامى اوقات غير حلين لو الشخص غالى عندى انى اخسره لأنه كداب اوانافقه عشان مخسروش والاختيارين عندى أصعب من بعض لانى بكره الكدب وفى نفس الوقت مش بحترم المنافق..
افتكرت الكلام ده دلوقتي ومش بقيت اضايق من فهم اللى قدامى لانى لاقيت حل تالت من غير ما أكدب ولا انافق.. ان ابعد عشان تفضل الصورة الأولى للإنسان ده زى ما هى وانسى انى فهمت الصورة الصح انسى اصلا انى فهمت والأهم انى انسى انى نسيت..
اما اللى مش بيفرق في الأول مش بيفرق في الاخر..
وبقيت أحمد ربنا انه حابنى بالنعمة دى لأنها على قد ما تعبتنى على قد ما انقذتنى..
وبقيت ابص للكل وانا بضحك..
مساء النور اللى من عند ربنا.. لسه الكتب معرفتوش..
هل اعجبك الموضوع :

تعليقات